തൊഴിലുറപ്പിനിറങ്ങിയ മെഡിക്കൽ വിദ്യാർഥിനികളെ ഡി.വൈ.എഫ്.ഐ ആദരിച്ചു.

വിദ്യാർഥിനികൾക്ക് ഡി.വൈ.എഫ് ഐ പ്രവർത്തകർ ലഡു നൽകുന്നു.


പേരാമ്പ്ര: കൈക്കോട്ടും തൂമ്പയുമെടുത്ത് തൊഴിലുറപ്പ് തൊഴിലാളികളുടെ കൂടെ പറമ്പ് കിളക്കാൻ ഇറങ്ങിയ പേരാമ്പ്ര ഗ്രാമപഞ്ചായത്ത് എരവട്ടൂർ 18ാം വാർഡിലെ ഒറ്റപ്പാലം പി.കെ. ദാസ് മെഡിക്കൽ കോളജ് എം.ബി.ബി.എസ് മൂന്നാം വർഷ വിദ്യാർഥിനിയായ കൊല്ലിയിൽ ഷമിന ലുലു, വയനാട് വെറ്ററിനറി കോളജിൽ നാലാം വർഷ ബിരുദ വിദ്യാർഥിനി ഫിദ ജാസ്മിൻ, താമരശ്ശേരിയിൽ യുനാനി രണ്ടാം വർഷ വിദ്യാർഥിനി ലന ഫാത്തിമ എന്നിവരെ ഡി.വൈ.എഫ്.ഐ എരവട്ടൂർ സെന്റർ യൂണിറ്റ് കമ്മറ്റിയുടെ നേതൃത്വത്തിൽ ആദരിച്ചു. മേഖല എക്സിക്യൂട്ടീവ് അംഗം വി.സി.സനോജ്, എസ്.എഫ്.ഐ മേഖല സെക്രട്ടറി ആർ.എസ്.അമൽജിത്ത്, പി.പ്രവീൺ,ഷൈജു പി.കെ എന്നിവർ പങ്കെടുത്തു. കോവിഡ് പ്രതിരോധത്തിെൻറ ഭാഗമായി മാസങ്ങളായി വീടുകളിൽ ജീവിതമൊതുങ്ങിയപ്പോൾ ഉണ്ടായ മടുപ്പ് മാറ്റാനാണ് ഭാവി ഡോക്ടർമാരായ ഇവർ തൊഴിലുറപ്പ് പദ്ധതിയിൽ ചേർന്നത്. മൊബൈലിലും ടി.വിയിലും കണ്ണുംനട്ടിരുന്ന് സമയം പാഴാക്കാതെ അവർ മണ്ണിലേക്ക് ഇറങ്ങിയിരിക്കുകയാണ്.മൂവരും അടുത്ത സുഹൃത്തുക്കളും സഹോദരങ്ങളുടെ മക്കളുമാണ്.

തൊഴിലുറപ്പ് ജോലിയിൽ ഏർപ്പെടുന്ന മെഡിക്കൽ വിദ്യാർഥിനികൾ

കാലത്ത് ഓൺലൈൻ ക്ലാസ് കഴിഞ്ഞതിനു ശേഷമാണ് ഇവർ തൊഴിലിടത്തിലേക്ക് പോകുന്നത്. ജീവിതത്തിലൊരിക്കലും ചെയ്യാത്ത തൊഴിലായത് കൊണ്ട് ആദ്യ ദിവസങ്ങളിൽ ചില ശാരീരിക പ്രയാസങ്ങൾ ഉണ്ടായിരുന്നെങ്കിലും പിന്നീട് മൂവരും സാധാരണ തൊഴിലാളികളെപ്പോലെ തന്നെ ജോലിയെടുത്ത് തുടങ്ങി. ശരീരത്തിനും മനസ്സിനും നല്ല ഉന്മേഷമാണ് മണ്ണിലെ പണി നൽകുന്നതെന്ന് മൂവരും ഒരേസ്വരത്തിൽ പറയുന്നു. സഹോദരങ്ങളായ കൊല്ലിയിൽ കുഞ്ഞമ്മദ്, കുഞ്ഞിമൊയ്തി, സലാം എന്നിവരുടെ മക്കളാണ് ഈ മിടുക്കികൾ. ഉന്നത വിദ്യാഭ്യാസം ലഭിച്ചവർ പ്രത്യേകിച്ച് പെൺകുട്ടികൾ കാർഷിക മേഖലയിൽ തൊഴിലെടുക്കുന്നത് കുറച്ചിലാണെന്ന പൊതുധാരണയാണ് ഇവർ തിരുത്തുന്നത്. ഇവരുടെ മേറ്റ് എരവട്ടൂരിലെ സജിലത സി.പിയാണ്.

[എരവട്ടൂരിൽ തൊഴിലുറപ്പിൽ ഏർപ്പെട്ട യുവാക്കൾ
കോവിഡ് കാലത്ത് ഐ.ടി മേഖലയിൽ ഉൾപ്പെടെ തൊഴിൽ നഷ്ടപ്പെട്ട നിരവധി യുവാക്കൾ പേരാമ്പ്ര,നൊച്ചാട്, മേപ്പയ്യൂർ പ്രദേശങ്ങളിൽ തൊഴിലുറപ്പ് പദ്ധതിയിൽ രജിസ്റ്റർ ചെയ്ത് പണിക്കിറങ്ങിയിട്ടുണ്ട്. എരവട്ടൂരിലെ അബിൻ കെ.പി, അഭിജിത് സി.കെ, ഡിഗ്രി വിദ്യാർത്ഥി, പി.ഐ അരുൺ(ഐ.ടി), നിധിൻ ലാൽ അക്കൗണ്ടന്റ് , അമൽ ദാസ് പ്ലസ് 2 എന്നിവരും ഈ അടുത്ത് തൊഴിലുറപ്പിൽ ചേർന്നിട്ടുണ്ട്.]

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

This site uses Akismet to reduce spam. Learn how your comment data is processed.